काठमाडौं । पछिल्लो समय चलचित्र क्षेत्रका चर्चित अनुहारहरु एकपछि अर्को गर्दै विवादमा तानिए । नायिकाहरुको बोली चिप्लिएपछि त्यसले उनीहरुलाई विवादित बनायो । महानायक को ? भन्ने विषयले अझ ठूलै रुप लियो ।
दीपाश्री निरौलाले अभिनेता राजेश हमालको विषयमा दिएको एक अभिव्यक्तिपछि अभिनेता हमालका फ्यानहरुले उनलाई सामाजिक संजालमा निकै लखेटे । दीपाश्रीको एक अभिव्यक्तिले केही कलाकारहरुलाई प्रत्यक्ष असर समेत ग¥यो । त्यो असर विस्तारै अहिले देखिँदै गएको छ ।
केही समयअघि कोरोनाबाट जोगिन सरकारले जारी गरेको निषेधाज्ञा खुकुलो भएसँगै कोरोना भाइरसका कारण स्थगित भएको ‘मुन्द्रेको कमेडी क्लब’ पुनः सुरु भयो । जसलाई ‘सिजन २’ भनिएको छ । पहिलो सिजनमा अध्यक्षता गर्दै आएकी दीपाश्रीलको ठाउँमा अभिनेत्री करिश्मा मानन्धरलाई अध्यक्षता दिइएको छ । महानायकबारे दिएको अभिव्यक्तिले विवादमा परेपछि निर्माण टिमले दीपाश्रीलाई हटाएको भन्ने चर्चा सिने जगतमा चल्यो । त्यसले मिडियामा पनि राम्रै स्थान पाएको थियो।
अहिले त्यसको असर जितु नेपाललाई पनि परेको छ । ‘शो’बाट दीपाश्रीलाई हटाएपछि अहिले जितु नेपाल ‘छक्का पञ्जा’को टिमबाट बाहिरिएको भन्ने चर्चाहरु सिने जगतमा चल्न थालेका छ । दीपाश्रीलाई ‘मुन्द्रेको कमेडी क्लबबाट’ हटाएपछि ‘छक्का पञ्जा’ टिमले पनि जितुको ठाउँमा नयाँ कलाकार राख्ने तयारी भइरहेको हल्लाहरु चल्न थालेका छन् ।
जसकारण अहिले जितु नेपाल र छक्का पञ्जा टिमबीच सम्बन्ध बिग्रिदैँ गएको चर्चा छ । यो विषयमा जितुसँग कुरा गर्दा उनले भने, ‘समाचारमा आएजस्तो केही हाम्रो टिममा कुनै पनि मनमुटाव भएको छैन। तिललाई पहाड नबनाएकै भए हुने। हामी अहिले पनि पहिले जस्तै छौं।’
