नायिका अदिती वुढाथोकी आज आफ्नो जन्मदिन सेलिव्रेशन गर्दैछिन् । आफ्नै घरमा जन्मदिन मनाइरहेकी यी सुन्दरीलाई सबैभन्दा पहिला उनको परिवारले जन्मदिनको शुभेच्छा प्रकट गरेका थिए । उनलाई सामाजिक संजामा उनका फ्यान, आफन्तले शुभकामना दिइरहेका छन् ।
नेपाली चलचित्र क्षेत्रमा ‘कृ’ नामक चलचित्रबाट प्रवेश गरेकी नायिका दोश्रो चलचित्र ‘बेञ्जो’को तयारीमा छिन् ।
यी दुबै चलचित्रका निर्देशक सुरेन्द्र पौडेल हुन् । लक डाउन नभएको भए सुरेन्द्रले अहिले अदितीसँग दोश्रो प्रोजेक्टमा काम गरिरहेका हुन्थे ।
नायिका वुढाथोकीले पहिलो चलचित्रमा काम गरेपछि पर्दामा फेरि काम गर्न केही बर्ष लगाइन् । तर, पनि उनलाई पहिलो चलचित्रले दिएको हाइपको फाइदा भने छ ।
अदिती चलचित्र क्षेत्रमा प्रवेश गर्दा उनमा चलचित्रकर्मीले संभवाना देखेका थिए । केही भारतीय म्यूजिक भिडियोमा समेत काम गरेकी अदिती मुम्बइमा रहेर संघर्ष गरिरहेकी छिन् ।
