काठमाडौं। स्टयाण्ड–अप कमेडी शो ‘कमेडी च्याम्पियन’को ग्राण्ड फिनालेमा सुमन कोइराला, खड्गबहादुर पुन र हिमेश पन्त पुगेका छन्।
सोमबार प्रशारण भएको शोबाट बिष्णु प्रसाद गौडेल ‘मेक्सम’ बाहिरिएसंगै उत्कृष्ट ३ ग्राण्ड फिनालेमा सुमन, खड्ग र हिमेश पुगेका हुन्। सुमन र खड्गबहादुर वाइल्ड कार्ड इन्ट्रीबाट सोमा पुनः प्रवेश गरेका प्रतिस्पर्धी हुन्।
कमेडी च्याम्पियनको ग्राण्ड फिनाले चैत १ गते होटल सोल्टी क्राउन प्लाजामा गर्ने तयारी रहेकोआयोजकले जनाएको छ। कमेडी च्याम्पियनको विजेताल २५ लाख नगद र कार प्राप्त गर्नेछन्।
सन्तोष पन्त, मनोज गजुरेल, प्रदीप भट्टराई र ऋचा शर्मा कमेडी च्याम्पियनका निर्णायक छन्। शोको होस्ट रीमा विश्वकर्माले गर्दै आएकी छिन्।
