विराटनगर / सञ्चारकर्मी वीरेन्द्रकुमार साहको दोस्रो एल्बममा समावेश गरिएको गीत किन बस्यांै यी आँखामा… को म्युजिक भिडियो छायांकन भएको छ ।
नेपाली चलचित्रका निर्देशक नवल नेपालले निर्देशन गरेको म्युजिक भिडियोमा नायक तथा मोडल माधब केसी, भुपाल सञ्जेल र निकिता सड्ग्रौलाले अभिनय गरेका छन् ।
म्युजिक भिडियोलाई मदन काश्यप घिमिरेले खिचेका हुन् भने कृष्ण सुबेदीको श्रृङ्गार रहेको छ । हिमालय टेलिभिजनमा प्रशारण भईरहेको द भ्वाईस अफ नेपालमा चर्चा बटुलिरहेका गायक तथा संगीतकार बलबहादुर राजबंशीको स्वरमा रहेको गीतलाई उदयराज पौडेलले एरेन्ज गरेका छन् ।
म्युजिक भिडियोलाई प्रदेश १ को कोशी नदि, चतरा, दोमुखालगायतको पर्यटकीय स्थानहरुमा छायांकन गरिएको छ । भिडियोले प्रदेशको पर्यटकीय क्षेत्रको समेत प्रचारप्रसार गर्न निर्देशक नेपालले बताए ।
