चैत्र २७, बिराटनगर । इटहरी इन्टरनेसनल कलेजमा गायक दिपक बज्राचार्यको सांगीतिक कार्यक्रम सम्पन्न भएको छ । कलेजमा स्प्रिङ कार्निभल अन्तर्गत दिपक बज्राचार्य साथै रिदम ब्याण्डले कलेजमा प्रस्तुति दिएका थिए ।
मंगलबार आयोजना भएको उक्त कार्यक्रममा इटहरी इन्टरनेसनल कलेज साथै बिराटनगरको मेरिल्याण्ड कलेजका बिद्यार्थीले पनि प्रस्तुति दिएका थिए । कार्निभलमा खानाका स्टल , बिभिन्न खेल साथै सांगीतिक मनोरञ्जन लगायतका कार्यक्रम भएको थियो ।
गायक बज्राचार्यले गित गाउँदा कलेजमा उपस्थित विद्यार्थीहरु उनको गीतमा मज्जाले झुमेका थिए । उनले मन मगन , मायाको डोरीले , ओ अमिरा लगायतका लोकप्रिय गित गाएका थिए ।
