लोक गीत संगीतमा आफनो लय, शब्द तथा गायकी क्षेमतालाई श्रोता दर्शक माझ निरन्तर पस्किदै आएका गायक तथा संचारकर्मी लब कुमार भट्टले भर्खरै मात्र ठट््यौली पाराको तिज गीत बजारमा ल्याएका छन् । साली र भेनाको बिषयबस्तु उठान गरिएको कमेडी शैलीको तिज गितमा भेनाले सालीलाई लान्छु भनेता पनि सालीले दिदि माथि जानु हँदैन र बहुबिवाह गर्नु हुुँदैन भन्ने मुख्य सन्देश दिन खोजीएको छ । लय तथा शब्द समेत भट्टको रहेको यस गीतमा स्मृति तिमिल्सिना संगै भट्ट आफैले स्वर दिएका छन् ।
कमेडी शैलीमा तयार भएको यस म्युजीक भिडियोमा चर्चित हाँस्य टेलीश्रृंखला मेरी बास्सैका पात्र राजु पौडेल (राजु मास्टर) र राजु मास्टरकी श्रीमतीको भुमीका निर्वाह गर्दै आएकी अनिता बस्नेत ( मास्टरनी) संगै सालीको भुमीकामा स्मृति तिमिल्सिना (गुरु आमा) लाई रोचक भुमीकामा देखाइएको छ । यस म्युजिक भिडियोको छाँयाकन सुरेश श्रेष्ठले गरेका हुन् भने सम्पादन प्रकाश धमालाको रहेको छ । यस गितको निर्देशन चर्चित निर्देशक स्मृति तिमिल्सिना ( गुरु आमा) ले गरेकी हुन् भने बजारमा पनि गुरु आमा फिल्मस् प्रा.लि.बाट ल्याइएको हो ।
